Ik kandideer för dat Amt van de Börgermeester, wiel ik daarvan overtüügt bün, dat Uplengen goot daarsteiht – un liekers vör wichtige Entscheedungen steiht. In de verleden Johren is uns Gemeente düütlich wiederkamen. Daarvör verdeent de Börgermeester Heinz Trauernicht, de dat nu noch maken deit, Anerkennung un Respekt. Op dit Fundament mücht ik opbauen.

De Johren, de nu kamen, worden aver annere Anforderungen mit sük bringen. Dat geiht minner um reinet Wassdom, man mehr um de Wierentwicklung, Prioritäten, finanzielle Verantwoortung un Tosamenholt. Nau daar see ik mien Opgaav.

Ik bün Ünnernehmer, Handwarkermeester un siet Johrteihnten in Uplengen verwuddelt. Ik kenn de Herutvorderungen van uns Gemeente nich ut Akten, man ut de Praxis. Entscheedungen mutten Dracht hebben – vandaag un in de Tokunft. Disse Instellung präägt mien Gebaren in de Beruf un ok in’t Ehrenamt.

Mi is dat wichtig, dat Uplengen handlungsfähig blifft: bi’t Wahnen un de Ortsentwicklung, bi de Bildung, in de Wirtschaft, in de Verwalten un in’t Ehrenamt. Verännerungen klappen blot mit Transparenz, Dialog un een fairen Umgang mitnanner.

Ik kandideer nich, wiel ik gloov, dat ik allens beter weten do.

Ik kandideer, wiel ik Verantwoortung overnehmen mücht, Entscheedungen verklaren will un overtüügt bün, dat wi Uplengen tosamen wiedertobringen könen – Stap för Stap, ehrlich un mit de nöödige Maten.

Uplengen beter bedütt för mi nich, dat ik beter bün.

Dat bedütt, dat wi de Anspruch hebben, uns Gemeente jeden Dag en lüttjet Stück beter to maken – för vandaag un för de Generatioonen, de na uns kamen.